工展會購物節,8月2號開始,一連4日喺亞博館舉行!
大家都知香港中華廠商聯合會每年夏天都會搞一場「室內工展會」,今年已經第4屆! 今次展期由2024年8月2日(星期五)至8月5日(星期一),一連4日喺亞洲國際博覽館舉行。超過250個攤位,各式特價商品,仲有免費派發雞尾酒及機票抽獎,真係涼住冷氣嘆酒食甜品又可掃平貨簡直冇得頂呢! 每日免費派發30杯雞尾酒 呢度係「工展會購物節2024」必睇嘅重點! 超過250個攤位,有食品、家品、保健品等,最緊要係有乜吸引力要長征式消費先?係咪真係好多超值優惠等你嚟搶?! 首先,廠商會有限量福袋派發,只限每日頭90位;每日免費派發30杯雞尾酒畀入場嘅朋友仔試飲!另外例牌嘢 HK$1 優惠大放送,包括臘腸福袋、陳皮、按摩膏;仲有HK$50 買到2頭鮑魚燉湯福袋、HK$20湯包、HK$58/4包蝦滑等,多場舞台表演同工作坊,仲有遊戲區,大人細路都啱玩!兼且廠商會繼續提供免費穿梭巴士接送荃灣、屯門天水圍居民。嗱~~咁抵買兼咁貼心服務,8月2號就記得去亞博,真係入場齋涼冷氣都抵! 多場舞台表演同工作坊 HK$58/4包蝦滑 第4屆工展會購物節 展覽日期:2024年8月2日至5日(星期五至一),4天 開放時間:星期五至星期日 上午10時30分至晚上7時 星期一 上午10時30分至下午5時30分 (每天結束前30分鐘及最後一天結束前1小時停止入場) 地 點:亞洲國際博覽館5及7號展館(東面入口) 入場費用:HK$10 6大展區:休閒食品區、健康養生區、生活家品區、服飾美容區、「Chill飲Chill食」區、為食Guide #工展會 #購物節 #亞博館 #抵買 #免費福袋 #Chill飲Chill食 #舞台表演 #遊戲區 #好去處