澳門傳奇麵檔「梁慶記」進駐旺角！連續4年獲澳門米芝蓮頭美食推介︰蝦籽撈麵/咖喱飯
 |
| 梁慶記 |
已有過百年歷史嘅梁慶記麵檔，喺澳門從2019年起更連續4年獲得澳門米芝蓮街頭小食推介。呢家歷史悠久嘅麵店近日嚟到旺角開設第二間分店，將自家招牌澳門傳統味道帶畀一眾九龍區吃貨。
梁慶記4大人氣招牌系列包括：
1. 連續4年獲米芝蓮推介嘅溫泉蛋安格斯蝦籽撈麵，重點係配搭梁慶記招牌全蛋竹昇麵，絕對係食家必試之選。
 |
| 招牌溫泉蛋安格斯牛蝦籽撈麵 HK$89 |
2. 由來自澳門官也街嘅「官也蓋仔蛋撈飯」，據說係澳門第81任總督「官也」每次食飯總愛煎荷包蛋伴飯而命名。於是演變成依家嘅濃邊蛋打孖墊底配上超大吉列豬扒，另附一少兜咖喱醬及豉油。
 |
| 蓋仔招牌吉列豬扒蛋撈飯 （中份）HK$57 |
3. 靈感源自當年澳門一個賭仔翻身故事！傳說：澳門十月初五街附近有家食店嘅咖喱焗飯，有個賭仔每次食完個飯返入賭場必定勝利翻本，於是「十六浦勝利咖喱飯」自此被加持！真心咖喱醬係好味嘅，而咖喱醬唔夠嘅話可以要求再添。
 |
| 咖喱豬頸肉飯 + 葡式樽仔奶茶 （跟餐可半價優惠加飲品） |
4. 充滿澳門風味嘅「三盞燈喇沙湯米線」？！嗱....是咁的，迷一樣嘅湯頭，刷新小編對喇沙嘅認知，小編只感到黑人問號衝突味蕾。
 |
| 令小編懷疑人生嘅...「魚旦墨魚餅喇沙湯米粉」 |
除咗呢4大招牌菜式外，梁慶記仲有澳門豬扒包。店內食品價格普遍相當親民，人均消費只需HK$60。
 |
| 招牌澳門豬扒包 HK$43 |
講開又講，呢間新開嘅旺角分店，以澳門懷舊風情為店內設計概念，如果你唔想搭車又搭船咁至試到澳門米芝蓮街頭美食，就快啲去梁慶記旺角店一嚐佢哋嘅招牌系列！
梁慶記
地址：旺角豉油街74號鴻都大廈地鋪
電話：2117 0798
營業時間：星期一至四11:30 - 22:00；星期五至日及公眾假期11:30 - 23:00
留言
發佈留言