海鮮控快嚟試試「極之海鮮丼」同埋「赤蝦丼」啦！

喂喂喂！海鮮控最近又有新玩意啦！

丼丼屋每年都喺日本搵啲地道美食返嚟香港，今次就同名古屋嘅海鮮丼專門店Sakana Factory合作，將佢哋嘅人氣No. 1「極の海鮮丼」同「赤海老丼」帶到香港！由即日起至9月16日，喺全線丼丼屋同丼丼屋×鳥開聯乘店都可以食到，絕對係嚐鮮人唔可以錯過嘅海鮮丼！

Sakana Factory 嘅海鮮丼，點解咁出名？

呢間店喺日本好出名，上過好多雜誌同電視節目，仲俾名古屋電視台做過專訪！而Sakana Factory嘅店長認為海鮮喺質感、味道同食法上，都有自己嘅科學原理，只要配合得宜，就會產生獨特嘅鮮味（umami），令食物更加美味。

「極の海鮮丼」：海鮮寶盒，鮮味爆發！

加HK$10升級成定食，包括前菜、日式湯、甜品及果茶

呢個丼集合左港人最愛嘅三文魚、吞拿魚、油甘魚粒，加埋綿滑細緻嘅吞拿魚蓉、爽脆蘿蔔漬粒、洋蔥粒同青瓜粒，圍邊舖滿三文魚片、油甘魚片，再以三文魚籽同飛魚籽點綴，中央放上日本無菌生雞蛋，真係齋睇都覺得鮮到爆！

「赤海老丼」：蝦控必食！

赤海老丼

鍾意食赤蝦嘅朋友仔有福啦！以肥美彈牙赤蝦刺身作主角，加埋飛魚籽，份量多到完全蓋住下面嘅蔥花飯。單係蔥花拌蛋飯，一口接一口，令人回味無窮！

移開滿滿飛魚籽赤蝦刺身，變成蔥花拌蛋飯

三食建議：先嚐海鮮丼原味，然後再加入濃稠芝麻醬

最後試試加入鯛魚高湯成為湯撈飯，呢個高湯融合非常之好！

加配優惠：三文魚帆立貝刺身

三文魚帆立貝刺身

如果覺得單點嘅海鮮丼未夠，HK$29加配三文魚同帆立貝刺身，繼續感受刺身魅力！

#dondonyahk #丼丼屋 #丼丼屋x鳥開 #DONDONYAxTORIKAI #SakanaFactory #極の海鮮丼 #赤海老丼 #海鮮丼 #茶漬 #期間限定 #自選海鮮丼